Килемар округышто кол кучымаш дене таҥасымаш лийын
Килемар округышто кол кучымаш дене таҥасымаш лийын. Тудым Килемар муниципал округым вуйлатыше Сергей Преснецов ямдылен. Турнир Килемарка эҥер серыште эртен. Участник- влак икмыняр номинацийыште таҥасеныт: «Эн шуко кучымо кол», «Эн кугу кол» да «Эн самырык колызо». Таҥасыме ужаш деч посна тӱрлӧ конкурсан, викторинан, кухнян поян программым ямдылыме, уна- влакым йӱлаш савырныше сий- влак дене сийленыт. Сергей Преснецов палемден: тыгай мероприятий- влак шочмо элым утларак йӧраташ, таза илыш йӱлам шарен колташ, колызо- влак ушемым пеҥгыдемдаш полша. Сеҥыше дене призёр- влак шергакан пӧлек да диплом дене палемдалтыныт, а чыла участникшат шарнымашан пӧлекым да весела кумылым налын.
Фото: «Единый Россий».
Фото: «Единый Россий».
