Республикыште шошо ага пашалан умбакыже ямдылалтыт
Республикыште шошо ага пашалан ямдылалтмаш умбакыже шуйна. «Передовик» озанлык негызеш Морко район администраций коллегийын ӧрдыжтӧ эртарыме заседанийже лийын. Тушто пасу пашалан шке жапыштыже да сайын ямдылалтме нерген ойлымо. «Передовик» озанлыкым вуйлатыше Юрий Игнатьев озанлыкын пашаже дене палдарен, специализацийже да ончыкыжым вияҥме йодышым тарватен, рапсым перерабатыватлыме цехыш, кормоцехыш, шӧр комплексыш экскурсийым эртарен, ял озанлык машина парк дене палдарен. Ял озанлык министрын алмаштышыже Людмила Смирнова ял озанлыклан кугыжаныш велым полышым пуымо, ял кундемлам тӱшкан вияҥдыме политикын тӱҥ корныжо- влак нерген каласкален. Погынышо- влак тыгак мардеж вакшым, апшатгудым да «Тошто марий илемым» онченыт.
