Игорь Комаров коррупций йодыш дене совещанийым эртарен

Теҥгечак Марий Элым вуйлатыше Россий Президентын Юл кундем округышто полномочный представительже Игорь Комаровын коррупций йодыш дене эртарыме совещанийыштыже участвоватлен. Мутланымаш видеоконференцкыл йӧн дене эртен. Игорь Комаров палемден: регионласе кучем органлаште вуйлатыше- влакым коррупций шотышто тергымаш 4 процентлан ешаралтын, нарушенийым пален налмаш 14 процентлан кушкын, дисциплинарно мут кучаш шогалтыме еҥ- влакын чотышт 10 процентлан шукемын. Полномочный представитель Владимир Путинын пеҥгыдемдыме коррупций ваштареш шогымо калыкле планым тӱрыс шукташ ӱжын ойлен. Марий Элыште коррупций да моло правонарушенийым шижтарыме шотышто республикым вуйлатышын администрацийже пелен органым ыштыме. Тиде виктемын еҥже- влакым кажне кугыжаныш орган да муниципал образованийла деке пеҥгыдемдыме. Нуно тӱрлӧ документ- влакым ямдылымаште полышым пуат.

Прошлые выпуски