Туризм шотышто Марий Элым вуйлатышын грантшым налше- влак рашемыныт

Республикысе спорт-туризм министерстве туризм шотышто Марий Элым вуйлатышын грантшым налше- влакын спискыштым савыктен. Тиде корно дене тений грантлан 900 тӱжем теҥгем ойырымо. «Савар шеҥгелне Йӱштӧ Кугыза ила, мемнам йомакыш ӱжеш» проектлан 150 тӱжем теҥгем пуат, а «Торъял фордзон» пректын авторжо- влак 300 тӱжем теҥгем налыт. Тыгак 150 тӱжем теҥгем Йошкар-Олан историй тоштерже ден Шернурысо Александр Конаков лӱмеш тоштер-ончер комплекс налыт. Юлтехлан 300 тӱжем теҥге грант полыш логалын.

Прошлые выпуски