Спорт-туризм министерстве калыкым Йӱштӧ Кугызан резиденцийышкыже ӱжеш

                     Спорт-туризм министерстве калыкым Йӱштӧ Кугызан резиденцийышкыже ӱжеш. Теле тидлан моткоч келшыше жап. Сандене У ий пайрем годым Йӱштӧ Кугызан илемжым ончалаш путырак йӧнан. Тудын илыме верже республикын эн йӱдвел илемже Кукнур села воктене верланен. Юзо коча деке логалаш икмыняр тергымашым эртыман: марий фольклорын калыкле геройжо- влак нерген да ойыртемалтше, сылне вер-шӧр- влакым палыман. Йӱштӧ Коча дене пырля йомак йолгорно дене эрташ, тошто калык модыш-влак дене модаш, йомак йӱлышым шижаш лиеш.
                   Ушештарена: тений Марий Элым вуйлатышын грантшым налаш конкурсышто сеҥыше- влак дене ойпидышым кылдыме ыле. Соглашений туризм аланыште конкурсышто сеҥыше проект- влакым илышыш шыҥдараш республикын бюджетше гыч оксам ойырымо шотышто пеҥгыдемдалтын. «Савар шеҥгелне Йӱштӧ Коча ила, мемнам йомакыш ӱжеш» лӱман ик проектше «Марий Эл кундемыште ончыктышаш турист объектым тӱзландарымаш да уэмдымаш» номинацийыште сеҥышыш лектын. Грантын кугытшо 150 тӱжем теҥге.

Прошлые выпуски