Вертолёт площадке лиешак
Йошкар-Ола эмлыме верын кумдыкыштыжо 7 миллион теҥгелан вертолёт площадкым чоҥен шындат. Кугыжаныш закупко сайтыште ончыктымо увер почеш, тиде объект шотышто торгым увертарыме. Площадке Медицина уремыште оласе да республикысе йоча эмлыме вер- влак коклаште верлана. Контрактын тӱҥалтыш акше- шым миллионат 224 тӱжем теҥге утла. Окса республикын бюджетше гыч ойыралтшаш. Тӱҥалтышлан уто кушкылым кораҥдыман да кӱртньӧ бетон плита гыч жаплан корным ыштыман, вара мланде паша тӱҥалеш. Пашам кок тылзыште ыштен шуктышаш улыт. Ушештарена: тений сентябрьыште санитар аиацийын вертолётшо чоҥештылаш тӱҥалын. Тудо районла гыч черле- влакым Йошкар-Оласе эмлыме верлашке писын шупшыкта. Полышым чоҥештыме годымак пуаш йон ышталтын.
