Татарстан гыч толшо уна- влак марий калыкын историйже, тӱвыраже да йӱлаже дене палыме лийыныт

Татарстан гыч толшо уна- влак марий калыкын историйже, тӱвыраже да йӱлаже дене палыме лийыныт
              Татарстан гыч толшо уна- влак марий калыкын историйже, тӱвыраже да йӱлаже дене палыме лийыныт. Теҥгече Йошкар-Олаш йолташла визит дене Татарстанысе Арск районын делегацийже толын каен. Тудым район исполком вуйлатышын социал йодыш дене алмаштышыже Эльвира Вафина вуйлатен.
             Тиде толмаш Российысе калыкын икоян улмо идалыклан пӧлеклалтше мероприятий- влаклан тӱҥалтышым ыштен. Йӱла почеш уна- влакым марий мелна дене вученыт. Шокшо вашлиймашым Кугыжаныш Погыным вуйлатышын икымше алмаштышыже, «Россий калык- влак ассамблейын» регионысо пӧлкажым вуйлатыше Лариса Яковлева ямдылен. Нуно пырля «Ачамландын Геройжо- влак» тоштер-патриот рӱдерыш миеныт. Тушто нуно Российын сар историйжын кӱлешан жапше- влак дене палыме лийыныт- Икымше тӱнямбал сар гыч тӱҥалын лӱмын эртарыме сар операций марте. Евсеев лӱмеш калыкле тоштерыште марий калыкын историйже, тӱвыраже да йӱлаже дене палыме лийыныт,- увертара Кугыжаныш Погынын пресс-службыжо.
               Лариса Яковлеван мутшо почеш, тыгай вашлиймаш- влак мемнан калык- влак коклаште келшымаш кӱвар гай улыт. Тудо икте- весын йӱла ден тӱвыраштым сайынрак пален налаш, опыт дене вашла палдараш да пырля ыштышаш у проект- влакым палемдаш полша.
            Фото: Марий Эл Кугыжаныш Погынын пресс-службыжо

Прошлые выпуски