Икымше март гыч Российыште электросамокат- влаклан скорость шотышто чарымаш пурталтеш

Икымше март гыч Российыште электросамокат- влаклан скорость шотышто чарымаш пурталтеш
                Икымше март гыч Российыште электросамокат- влаклан скорость шотышто чарымаш пурталтеш. Индивидуал мобильность йӧныш пурышо моноколесо, гироскутер, электросамокат дене коштшо- влак писылыкым эскерышаш улыт. Эн кугу скорость ик шагатыште 25 меҥге деч шуко лийшаш огыл, транспортын нелытше 35 килограммым эртышаш огыл. Тыгай технике дене корнын пурла могыр тӱржӧ дене кудалаш лиеш. А тротуарыште йолешке- влак тӱҥ праван лийыт. Тыгай транспортлан кушто кошташ лиеш але ок лий- лӱмын пале- влакым вераҥдат. Тиддеч посна автолюбитель- влакымат вашталтыш вуча. Водительын йӱшӧ улмыжым пеҥгыдемдыме правил вашталтеш. Ынде тиде пашам автоинспектор- влак видеош войзен налшаш улыт. Оҥгышто кудалыштме правил тӧрлалтеш. Тӱҥ огыл корно дене корнывожыш кудал пурышо водитель оҥго дене кайыше машина- влакым ончыч колтышаш улеш.

Прошлые выпуски