Илалше да инвалид еҥ- влаклан кужу жап полышым пуымо системе шотышто проектым республикысе чыла ола ден районлашке шарыме лиеш
Илалше да инвалид еҥ- влаклан кужу жап полышым пуымо системе шотышто проектым республикысе чыла ола ден районлашке шарыме лиеш. Тидын нерген Марий Элым вуйлатыше Юрий Зайцев ден Россий Федерацийын паша да социал аралтыш министрын икымше алмаштышыже Ольга Баталина дене вашлиймаште увертарыме. Тудыжо республикыш паша визит дене толын. Мутланыме годым палемдыме: тиде полышым пуымо проектыш Марий Эл кодшо ийын ушнен. Социал полышым мӧҥгышто налме системыш вич муниципалитет гыч 200 утла еҥ ушнен Баталинан мутшо почеш шушаш ийын системым чыла район ден олаште шыҥдарыме лиеш, а полышым налшыже кок тӱжем еҥ марте ешаралтеш. Юрий Зайцев ешарен: тыгай социал мера пеш кӱлешан да шке пайдалыкшым ончыктен шуктен. Тений тиде проектым шыҥдараш федерал бюджет гыч республикылан 55 миллион утла теҥгем ойырымо. Воктене шинчыше полышкалышын полышыжым мӧҥгыштак 210 еҥ налеш, 137 еҥ стационар организацийлаште пайдалана.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
