Илыме йӧным саемдымаш- ончыл верыште
Россий пенсий фондын республикысе пӧлкажын увертарымыж почеш ава капиталым Марий Элыште утларакше илыме верым саемдаш кучылтыт. Рашырак каласаш гын, илыме верым налаш але чоҥаш налме кредитлан процентшым да тӱҥ ужашыжым тӱлаш колтат. Тиде сомыллан 534 миллион утла теҥгем тӱжемат кок шӱдӧ утла еш кучылтын. 426 еш ава капиталым ипотеке деч посна илыме верым налаш колтен. 179 еҥ тиде оксам йочам туныкташ пыштен. Кок еш шийвушым аван пенсийжым чумыраш колтен. Тиддеч посна 249 еш ава капитал гыч илен лекташ ситыше кугыт оксам тылзе еда налеш. Тидлан тений 20 миллион теҥгем кучылтмо.
