Провой кундемыште 10-шо курымыштак марий- влак улан иленыт

Провой кундемыште 10-шо курымыштак марий- влак улан иленыт
Звенигово районышто федерал значениян историй да тӱвыра объектым регистрироватлыме. Красногорск посёлкышто 10-шо курымысо тойымо верым верештме. Тушто кокла курымлаште илыше марий калыкын кӱкшӧ тӱвыражым ончыктышо оҥай ӱзгар- влакым верештме. Археолог- влак кажне шӱгарыште кӱртнӧ дене сӧрастарыман поян шӱштӱштым верештыныт. Тойымо йӱлам рашемден кертыныт. Специалист- влак, йӧн лийме семын, тушко эше пӧртылаш да шымлымашым шуяш шонат. Тойымо вер кызыт федерал значениян тӱвыра поянлык семын кугыжаныш велым аралалтеш. Кӱнчымаште МарНИИЯЛИ-н шанче пашаеҥже- влак, Йошкар-Ола да Кострома областьысе школла гыч волонтёр- влак лийыныт.

Прошлые выпуски