«Иннопром-2024» выставкыште Марий Элым вуйлатыше Юрий Зайцев ден Ульяновск областьын губернаторжо Алексей Русскихын пашаче вашлиймашышт эртен

«Иннопром-2024» выставкыште Марий Элым вуйлатыше Юрий Зайцев ден Ульяновск областьын губернаторжо Алексей Русскихын пашаче вашлиймашышт эртен
             «Иннопром-2024» выставкыште Марий Элым вуйлатыше Юрий Зайцев ден Ульяновск областьын губернаторжо Алексей Русскихын пашаче вашлиймашышт эртен. Нуно промышленный производство сферыште вашла кылым кучымо, промышленностьым вияҥдыме, амалкалче- влаклан полшымо нерген ойленыт. Марий Элын промышленностьшо шуко отраслян, кӱкшӧ технологиян улеш. Республикысе предприятий- влак ик тӱжем утла тӱрлӧ продукцийым луктыт. Марий Эл ужалкалыме пашалан йӱкшемдыше оборудованийым, электроустановка изделийым, кӱртньӧ омсам, хроматографым, светодиод экраным да моло продукцийым лукмаште ончылно кая. Республикын правительствыже кӱлеш финанс, организационный, увер полышым пуа. Тидыже республикыште инвестиций проектлам шыҥдараш у производствым ямдылаш да кумдаҥдаш полша. Марий Элым вуйлатыше стендыште Ульяновск областьын предприятийже- влакын продукцийыштым ончен. Нунын коклаште авиаций промышленность, пилотде чоҥештылше аппарат, кугу кугытан металлообработко, машиностроений да молат улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски