Пайрем вашеш Марий Элысе еш- влак наградым налыныт
Пайрем вашеш Марий Элысе еш- влак наградым налыныт. Рушарнян Рӱдӧ каныме паркыште пайремлан пӧлеклалтше торжественный мероприятий эртен. Шушаш пайрем дене Погынышо калыкым саламлаш Республикым вуйлатыше Юрий Зайцев миен. Тудо «Героиня-ава» орденым Волжский районышто илыше Наталия Васильевалан кучыктен. Наталья ден Владимир 16 йочам ончен-куштат: латиктыже- шкеныштын, визытшым ешыш налыныт. Юрий Зайцев тыгак «Икшывым достойнын ончымылан» Марий Элын почётан знакше дене вич ешым наградитлен. Тудым Алексей ден Галина Ивановмыт, Алексей ден Татьяна Куклинмыт, Винира Магсумова, Андрей ден Светлана Романовмыт, Александр ден Светлана Шуталевмыт налыныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
