Юрий Зайцев ден Рустам Минниханов 24-ше федерал сабантуйын участникше- влакым саламленыт
Юрий Зайцев ден Рустам Минниханов 24-ше федерал сабантуйын участникше- влакым саламленыт. Сабантуйын тӱҥ мероприятийже- влак Руэм посёлко кундемыште ипподромышто эртеныт. Пайремын почётан унаже семын Татарстанын раисше Рустам Минниханов, Саха (Якутий) Республикын Кугыжаныш Погын Вуйлатышын алмаштышыже Александр Подголов лийыныт. Марий Элыш Российысе 72 регион гыч 500 утла делегат толыныт. Марий Элым вуйлатыше Юрий Зайцев ден Татарстанын раисше Рустам Минниханов погынышо калыкым пайрем дене саламленыт. Федерал Сабантуй Марий Элыште кокымшо гана эртен. Шушаш 2025-ше ийыште Федерал Сабантуйым эртарыме вер Якутск лиеш. Пайремын куснылшо символжым «Тулпар атым» Якутийын Кугыжаныш Погынжым вуйлатышын алмаштышыже Александр Подголовлан кучыктымо. Зайцев ден Минниханов пайремын площадкыже- влакым ончен лектыныт. Татар кудышто Татарстанысе Нижнекамск районын усталык программыжым ончыктымо. Марий Элысе район да ола- влакын кудыштышт «Марий Элыште ыштыме», «Мастар- влакын олашт», «Калыкле кухньо», авто-мототранспорт. Ял озанлык технике, ретроавтомобиль выставке- влак лийыныт. Тыгак эн шуко «Бармак» татар печеньым кӱыктымӧ дене рекордым ончыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
