Марий Эл шефыш налме кундемым тӧрла

Марий Эл шефыш налме кундемым тӧрла
               Марий Эл шефыш налме кундемым тӧрла. Марий республике Запорожье областьысе Куйбышев районын социал, тӱвыра да инфраструктура объектлажым олмыкташ полша. Тиде кундемым республике ик ий ончыч шефыш налын. Марий Элым вуйлатыше Юрий Зайцевын кӱштымыжӧ почеш Правительстве вуйлатышын икымше алмаштышыже Евгений Кузьмин шефыш налме районыш миен. Тудо Ола шотан Куйбышев посёлкысо самырык- влак рӱдерыш миен. Республикысе самырык политике комитетын полшымыжо дене самырык- влакым кумылаҥдыше рӱдерым кӱлеш мебель да технике дене пойдарыме. Правительстве вуйлатышын икымше алмаштышыже Куйбышев муниципал округын ончыкылык зданийжым ончен лектын, верысе депутат- влак советын депутат корпусшо дене вашлийын. Паша дене мийыме жапыште Евгений Кузьмин Тӱвыра министерствын Йошкар-Ола да Марий епархий дене пырля погымо книгаштым Храмын Православий Приходышкыжо пуэн. Телым храмыште  котёлын пудыргымыжлан кӧра службым эртарыме огыл. Марий Элым вуйлатышын кӱштымыжӧ почеш йӱштӧ толмеш храмыште у котёлым вераҥдат. Тыгак шефыш налме кундемыште школ выпускник- влак дене профориентаций пашам эртарыше Юлтехын выездной приём комиссийжын еҥже- влак дене вашлийын. 
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски