Йошкар-Олаште 31-ше номеран школыш логалдыме йоча- влакын ача-авашт дене вашлиймаш эртен

Йошкар-Олаште 31-ше номеран школыш логалдыме йоча- влакын ача-авашт дене вашлиймаш эртен
              Йошкар-Олаште 31-ше номеран школыш логалдыме йоча- влакын ача-авашт дене вашлиймаш эртен. Ончыкылык первоклассник- влакын ача-авашт дене ола администрацийыште мутланыме. 31-ше школышто яра вер коддымо нерген мерын сомылжым шуктышо Антон Трудинов, Кугыжаныш Погынын депутатше, Бауман лицейын директоржо Григорий Пейсахович ойленыт. 9-ше В микрорайонышто верланыше школ утыждене темын. Проект почеш тушто 825 йоча тунемшаш гын, тунемаш кок тӱжемат шӱдӧ йоча толеш. Ешартыш верым ышташ чыла йӧным кучылтмо. Июль тӱҥалтышлан 149 йоча икымше классыш каяш вес верым кычалшаш,- каласен мерын сомылжым шуктышо Антон Трудинов. Вер ситыдыме йодышым виктараш манын кызыт у школым чоҥымо нерген йодыш ончалтеш. Проект да смете- документаций кугыжаныш экспертизым эртен да федерал финансированийлан йодмашым колтымо. Чоҥаш тӱналашлан кызыт республикыште оксам  вучат. Тидын годымак олан эҥер вес могырыштыжо вигак кок школ чоҥалтеш- «Восточный» ден «Юбилейный» микрорайонлаште. Туштат вер ситыдыме йодыш пӱсын шога.
               Ача-ава- влак дене мутланымаш куштылго огыл, но честный лийын. Шукынжо йочаштым мӧҥгӧ деч торашке тунемаш колташ лӱдыт,- каласен мэрын сомылжым шуктышо. Григорий Пейсахович компромисс вариантым темлен. Тудыжо шукылан келшен: 31-ше школ деч да мӧҥгешла специальный школ автобус- влак маршрутым ышташ. А кунам 9-ше А микрорайонышто у тунемме тӧнежым чоҥат, чыла кумылан- влак икымше черет семын тушко але 31-ше школыш куснен кертыт. Тылзе мучашыште эше ик гана вашлияш да пароектым радамлын каҥашаш  кутырен келшеныт,- каласен Антон Трудинов.
         Фото: Антон Трудиновын ВК-же.

Прошлые выпуски