Таче Еш, йӧратымаш да ӱшанле улмо кече палемдалтеш
Таче Еш, йӧратымаш да ӱшанле улмо кече палемдалтеш. Тиде пайрем дене республикысе калыкым Марий Элым вуйлатыше Юрий Зайцев саламла. Тиде ойыртемалтше ий,- палемден тудо. Молан манаш гын, Элнан Президентше Владимир Путин тенийсе идалыкым Ешын талукшо семын увертарен. Идалык еда шуко шочшан еш- влакын чотышт ешаралт шога. Кызыт республикыште 12 тӱжем тыгай еш ила. Нунылан ешартыш полыш пуалтеш. Еш- тиде илышыште эн тӱҥ поянлык, негыз, Российын вийже да улан улмыжын негызше. Тукым гыч тукымыш пагалымаш, вашла полышеш негызлалтше еш йӱлам пуэн шогымаш- кӱлешан улеш. Лишыл еҥдам аралыза, нунылан эн поро да ныжыл шомакым муаш тыршыза,- ойлалтеш республикым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
