Йошкар-Олаште тале йӱр уремлам вӱд дене темен, мардеж контакт линийым кӱрлын да пушеҥге- влакым сӱмырен
Йошкар-Олаште тале йӱр уремлам вӱд дене темен, мардеж контакт линийым кӱрлын да пушеҥге- влакым сӱмырен. Теҥгече кечывал деч вара олаш кугу йӱр ден тале мардеж толын. Нуно тӱшка транспортын пашакыжат вашталтышым пуртеныт. Йошкар-Олаште уэш Бауман уремым вӱд налын. 23-шо номеран школ тураште машина денат каяш лийын огыл, троллейбус- влакат шогалыныт. «Троллейбус транспорт» муниципал предприятийлан вашке гына кокымшо троллейбус маршрутым вашталташыже верештын. 18 шагатат 20 минут гутлаште тӱтан мардеж Машиностроитель уремысе 124-ше пӧрт тураште контакт воштырыш пушеҥгым сӱмырен. Тидлан кӧра 8-ше номеран тролейбус маршрутын коштмо схемыже вашталтын. Мэрийыште увертарыме почеш 23 метр наре писылык дене пуышо тӱтан мардеж икмыняр вере пушеҥгым, савар- влакым сӱмырен. Эҥгек- влакым кораҥдаш коммунал предприятийлан пашаеҥыштым ушымо.
Фото: Йошкар-Олан мэрийже.
Фото: Йошкар-Олан мэрийже.
