«Искра» колхозышто «ушан» автозаправке станцийым вераҥденыт
«Искра» колхозышто «ушан» автозаправке станцийым вераҥденыт. Тудым «Бизнес моноблок» «Бенза» топливым темкалыше мобильный станций маныт. Станций еҥым ушыде шке семын топливым пуа да учётым ышта. Резервуар кок камеран улеш. Иктышкыже 30 кубометр пура гын, весышкыже 10 кубометр. Операций тичмаш цифран форматыш кусаралтеш, отчётым вигак ужаш лиеш, чыла данный кагазыш возкалыде вигак бухгалтерийыш кая. Кӧ топливо дене пашам ышташ праван, нунын нерген данный программыш пурталтеш. Пайдаланыше топливный картым контроллер деке лишемдымекыже программе тудым вигак пален налеш. Ынде кажне водитель але механизатор шке автомобильжым але таркторжым сим-карте гоч заправитла. Тушко ончылгоч лимит пурталтеш. Палемдыме деч утларак тамкалаш ок лий.
Фото: Куженер район администраций.
Фото: Куженер район администраций.
