Изи Какшан эҥерыште вӱд ташлен
Лум вашке шулымо да йӱр тӱналме дене Изи Какшан эҥерыште вӱд ташлен. Йошкар-Ола мэрийыште шижтарыме почеш вӱд критический пале марте нӧлталалтеш гын, оласе Тӱҥ кӱварым жаплан петырен кертыт. Тыге лиеш гын, транспортым Вараксин да Вознесений кӱвар дене колтат. Нуно вӱд погынымо деч кӱшнырак улыт. Тиддеч посна Киров да Строитель уремласе магистраль дене каяш лиеш. Таче эрдене вӱд ешаралт шоген. Рӱдӧ пляжым тӱрысынек вӱд налын. Кугу вӱд «Большое Чикаго» кафе да Тазалык Аллей деке толын шуын. Эше социал вотлаште Комсомольский уремысе частный сектор да Ширяйково микрорайоныш вӱд толмо нерген возат.
Фото: МариМедиа.
Фото: МариМедиа.
