Изи да кыдылаш предпринимательствым уэш йол ӱмбаке шогалтыме нерген ойлымо

Округ Советын заседанийыштыже изи да кыдалаш предпринимательствым вияҥдыме мера- влак нерген ойленыт. Теҥгече Марий Элым вуйлатыше Александр Евстифеев Юл кундем округышто Россий Президентын полномочный представительже пеленысе Советын заседанийыштыже лийын. Тудым Игорь Комаров видеоконференций йӧн дене эртарен. Мутланымаш изи да кыдылаш предпринимательствым уэш йол ӱмбаке шогалтыме да вияҥдыме мера- влак нерген да округысо регион- влакын бюджетыштым балансироватлыме нерген лийын. Игорь Комаров палемден: коронавирус да тудлан кӧра чарымаш- влак экономикылан да социал сферылан кугу чаракым ыштеныт, поснак тыгыде бизнеслан. Тушто округысо 12 процент еҥ але кум миллионат 500 тӱжем еҥ пашам ышта. Паша режим вашталтме да паша гыч кайыме дене изи бизнесыште тыршыше 43 процент еҥ тӱкнен. Сандене кӱчык жапыште тиде бизнесым йол ӱмбаке шогалтыме шотышто кугу пашам ыштыме, кумылаҥдыме мера- влак кучылталтыт. Бюджетым балансироватлыме нерген ойлымо годым палемдыме: вич тылзын лектышыже почеш, регион- влакын консолидированный бюджетыштын парышыже 16 процентлан але 100 наре миллиардлан шагалемын. Марий Элыште изи да кыдалаш бизнеслан полшаш финанс да финансдыме мера-влакат кучылталтыт, субсидий палтеш. Тиде бизнесын ныл тӱжемат 400 утла субъектшылан 146 утла миллион теҥге субсидийым пуымо, ик субъектлан страховой взносым тӱлаш отсрочкым ыштыме. «Мой бизнес»  рӱдер, экспортлан полшышо рӱдер да бизнес-инкубатор- влак полышым пуат.

Прошлые выпуски