Йошкар-Олаште вертолёт площадке лиеш

Йошкар-Олаште вертолёт площадкым ыштышаш улыт. Республикын тазалыкаралтыш министерствыже «Марийскграждан проект» институт дене площадкым чоҥаш контарктым пеҥгыдемден. Министерствын пресс-службыжын увертарымыж почеш, вертолёт площадке Медицинский уремыште Йошкар-Оласе эмлыме вер воктенак лийшаш. Тидыже санитар авиацийым кучылтын, медицина полышым вашке пуаш йӧным ышта. Тиде площадкым чоҥаш республикын казнаже гыч ик миллионат 850 тӱжем теҥге оксам ойырымо. А чылаже площадкым ышташ, авиаций пашалан кӱлешым налаш «Тазалыкаралтыш» калыкле проектын регионысо проектше кышкарыште 15 миллион теҥгем колташ палемдыме. Площадке тений декабрьлан ыштен шукталтшаш.

Прошлые выпуски