Медицина пашаеҥ- влак пайремыш вашеш наградым налыт

Марий Элым вуйлатыше республикысе медицина пашаеҥ- влаклан Чап лӱмым пуымо шотышто  Указеш кидпалыжым пыштен. Указ дене «Марий Элысе тазалыкаралтышын сулло пашаеҥже» да «Марий Элын сулло врачше» лӱм- влакым икымняр еҥлан пуымо. Тазалыкаралтышышке пыштыме надырлан да шуко ий тыршен пашам ыштымылан «Марий Элын сулло врачше» Чап лӱмым Республикысе СПИД да инфекциян чер ваштареш кучедалше рӱдерын лабораторийжым вуйлатыше Ирина Иванова, Йошкар-Оласе эмлыме верын тӱҥ врачше Андрей Нагибин, Марий Турекысе рӱдӧ эмлыме верын врач-хирургшо Ильдар Сафиуллин кӱшнӧ нумалаш тӱналыт. «Марий Элысе тазалыкаралтышын сулло пашаеҥже» Чап лӱмым Советскийысе рӱдӧ эмлыме верын врач-лаборантше Елизавета Юрьевалан пуымо.

Прошлые выпуски