Юл кундем округышто кум ий жапыште 14 терактым чарен кертме

Юл кундем округышто кум ий жапыште 14 терактым ышташ пуымо огыл. Теҥгече калыкле аниттеррорист комитетым вуйлатыше, Россий ФСБ-н директоржо Александр Бортников комитетын заседанийжым эртарен. Тудын пашаштыже республикысе антитеррорист комиссийым вуйлатыше, Марий Элын главаже Александр Евстифееват участвоватлен. Заседаний видеоконференций йӧн дене эртен. Тушто Юл кундем округышто терроризмым шижтарыме  да тиде пашам семден колтымо йодышым каҥашыме. ФСБ-н директоржо шке ойыштыжо палемден: 2017-ше ий гыч округысо кундемлаште ик террорист актымат шукташ пуымо огыл. Тидын годымак 14 терактым да тыгай шотан 8 осал пашам ямдылыме улмаш. Тӱнямбал террорист организаций- влак дене кылым кучышо 48 ячейкын пашаштым кӱрлмӧ, 7 террористым пытарыме, тушеч кокытшо вуйлатыше улмаш, террорист вашам виктарыше 32 еҥым, 102 бандитым да нунылан полышкалыше 178 еҥым уголовно мут кучаш шогалтыме. Сандене терроризмым шижтарыме паша ончыл верыш лектеш. Марий Элыште тыгай пашам республикысе антитеррорист комиссийын пеҥгыдемдыме регламентше виктара.

Прошлые выпуски