Республикысе корнылаште тений идалык тӱналтыш гыч ир янлык дене лийше 30 наре аварийым регистрироватлыме
Республикысе корнылаште тений идалык тӱналтыш гыч ир янлык дене лийше 30 наре аварийым регистрироватлыме. Тыгай 28 азап тӱрлӧ районлаште лийын. Кок ганаже водитель- влакат сусыргеныт. Кугыжаныш автоинспектор- влакын мутыш почеш, автомобиль- влакланат эҥгек ышталтын. ГИБДД-н сотрудникше- влак шижтарат: «Ир янлык» манын ончыктышо палым вераҥдыме трассе ужашлаште поснак тӱткӧ лийман. Ялла деч ӧрдыжтырак кайыме годым эре тораш волгалтарыше фарым чӱкташ темлат. Теве теҥгече гына Звенигово район кундемысе трассыште легковой автомобильын водительже шордо дене тӱкнен да шкеже ӱмыр лугыч лийын. Шымлыме почеш, 21 шагат гутлаште 61-ше меҥге кундемыште Лада Калинан 31 ияш водительже келшыше скоростьым ойырен налын огыл да шордо дене тӱкнен. Вашке полыш бригаде толын шумеш, илыш дене чеверласен.
