Марий Эл Кугыжаныш Погын черетан сессийлан ямдылалтеш

Марий Эл Кугыжаныш Погынын тазалыкаралтыш, тӱвыра да спорт шотышто тӱҥ комитетше 13-шо сессийыш пурташ темлыме кум йодышым ончен лектын. Заседанийым комитетым вуйлатыше Евгений Кузьмин вӱден. Кок йодышыжо калыкын тазалыкшым аралыме да физкультура ден спортым вияҥдыме дене кылдалтыныт. Нуным комитет- влак ончен лектыныт, правовой акым пуымо, замечаний ден темлымаш лийын огыл. Законопроект- влакым приниматлаш темлыме. Кумшо йодыш дене депутат- влак ончылно тӱвыра министрын алмаштышыже Михаил Матвеев докладым ыштен. Тудо йоча музыкальный да сымыктыш школ- влакым капитально олмыкташ, пужен ышташ да пойдараш оксам ойырымо мера нерген ойлен. Тудо палемден: республикыште 40 сымыктыш школ уло. Тушечын кумытшо республике кӱкшытан. Проблеман йодыш- влак радамыште кадр ситыдымаш, зданий- влакым уэмдыме да капитально олмыктымаш, семӱзгарым ситарымаш улыт. Оксам ситарыме шотышто президентын кӱштымашыжым шыҥдараш манын, 10 йоча сымыктыш школым олмыкташ мыняр шийвундо кӱлеш лийме шотышто йодмашым ямдылыме. Тиде 340 миллион утла теҥге, тушечын 330-жо федерал окса. Тиде пашалан республикылан федерал бюджет гыч шушаш ийын 77 миллионым, 22-шо ийыште 59 миллионым, 23-шо ийыште 62 миллион теҥгем ойыраш палемдыме. Сымыктыш школ- влаклан сайын пашам ышташ, нунылан семӱзгарым ситарыман. Тиде показатель дене Марий Эл Российысе субъект- влак коклаште ончылно кая. Тиде пашалан 15 миллион утла теҥге оксам кучылтмо. Пашам умбакыже шуйымо лиеш. Кугыжаныш Погынын комитетшым вуйлатыше докладчиклан тауштен ойлен да палемдыме задаче- влакым виктарымаште сеҥымашым тыланен.

Прошлые выпуски