Калык деч пурышо обращений дене исполнительный кучемын кузе пашам ыштымыжым Юрий Зайцев аклаш кӱштымашым пуэн

            Исполнительный кучемын калык деч социал вот да вашкыл платформо гоч пурышо обращенийже дене кузе пашам ыштымыжым Юрий Зайцев аклаш кӱштымашым пуэн. Тудо калыкын шонымашыжым эскерен шога. Оперативный совещанийыште Марий Элым вуйлатышын пашажым шуктышо регионым виктарыме рӱдерым вуйлатыше Виктор Трифоновын «Инцидент менеджмент» системын эртыше арнялан данныйже негызеш ыштыме республикыште пӱсын шогышо йодыш- влак дене докладшым колыштын. Тиде жапыште системыш 407 увер пурен. ЦУР-ым вуйлатыше палемден: корно шотышто вуйшиймаш изиш шагалемын, но тугак ончыл верыште кодеш. 68 увер кундемлам тӱзландарыме, 39 социал обслуживаний да аралтыш, 31 ЖКХ алан, 29 увер туныктыш дене кылдалтын. Юрий Зайцев исполнительный кучем органын калыкын йодышыжо дене кузе пашам ыштымыжым шымлен лекташ кӱштен. Тидымат ешарен: калыклан кучем деч вашмутлан кӧра пуымо вашмут огыл, а палемдыме йодыш дене тичмаш да раш увер кӱлеш. Сандене кажне тургыжландарыше теме дене вашталтышым терген шогаш кулеш манын.
             Фото: Марий Элым вуйлатышын организаций да аналитик виктемже.

Прошлые выпуски