Тений икымше ярминга лиеш
Йошкар-Олаште тенийсе икымше ял озанлык ярминга 6-шо февральыште лиеш. Молгунамсе семынак тудо Чарла Кремльыште погына. Ял озанлык министерствын увертарымыж почеш. Ярминга 9 гыч 15 шагат марте пашам ышта. Тений 17 ярмингам эртараш палемдыме. Кремльыште нуно тылзеш кок гана лийыт. Тушто шӧрым да шӧр сатум, муным да шере йӧрварым налаш лиеш. Калык уло кумылын шорык, презе, кӱрка шылым налеш.
