Калыклан ярминга ден пазарлаште ужалкалаш утларак йӧным пуат

                  Калыклан ярминга ден пазарлаште ужалкалаш утларак йӧным пуат. Россий Федерацийын премьер- министрже Михаил Мишустинын пеҥгыдемжыме распоряженийже ужалкалымаште изи да кыдалаш бизнеслан полышым пуаш виктаралтын. Тыге, амалкалче чолгалыклан да самозанятостьлан кумылаҥдаш, калыкын парышыжым кугемдаш да илыш йӧнжым саемдаш манын, верысе кучем орган да версе самоуправлений- влаклан темлыме: ярминга ден пазарлаште верым налаш полшаш, стационар огыл ужалкалыме объектлам вераҥдаш торг деч посна ойпидышым умбакыже шуяш, ярмингам шукырак эртараш, кресаньык да сурт озанлыкым кучышо, сад-пакчаште саскам да емыжым ончен- куштышо, чодыра сийым погышо- влаклан ужалкалыме верым ситараш темлыме.  Исполнительный кучем да верысе самопуравлений орган- влаклан кок тылзе жапыште кӱлеш нормативно-правовой актым ямдылаш, ужалкалыме у йӧн нерген калыкым да озанлык оза- влакым кумдан палдараш кӱштымӧ.

Прошлые выпуски