У автовокзал у верыште лиеш

                    Йошкар-Олаште автовокзалым чоҥымо йодыш кумдан каҥашалтеш. Кызыт тыге лектеш: очыни, кок автовоказл лиеш. Иктыже тошто верыштак, весыже- «Театральный» микрорайонышто. Оласе вокзалым типовой проект почеш 1963-шо ийыште чоҥаш тӱҥалме да 66-шо ийыште ыштен шуктымо. 2000-ше ийыште тудо посна озан кидышкыже куснен. Кызыт «Республикысе автовокзал» ГУП да «Марий Элын автовокзалже- влак» ООО улыт. У вокзалым чоҥымо йодыш кодшо кеҥежым каҥашымашке лектын. Тений 
февральыште официально каласыме: у автовкзал лиеш. Тудо «Театральный» микрорайонышто верлана. «Ёлка» ужалкалыме рӱдер тураште. «Марий Элын автовокзалже- влак» ушем вокзалым банк деч 2019-ше ийыште налын. Кызытсе оза автовокзалым олмыкташ да йӧнаным ышташ сӧра. Правительствын шонымыж почеш, посна оза- влакын ятыр ий воказлым кучымо практикышт сайым ончыктен огыл. Сандене у вокзалым чоҥаш лийме. Калык могырым икгай шонымаш кызытеш уке. У вокзалым чоҥымо пашам республикым вияҥдыме индивидуал программыш пуртымо. Акше- 100 миллион теҥге. 99 процентшым федерал бюджет тӱла. Вокзалым тений чоҥен шукташ сӧрат. Йӧнан лийже манын, кӱртньӧ корно вокзал деч калыклан кошташ у транспортым колташ шонат.

Прошлые выпуски