Эстонийыште Финн-угор тӱнян тӱвыра рӱдывержым почмо

                    Финн-угор тӱнян тӱвыра рӱдывержым Эстонийыште почмо. Эстонийысе Абья-Палуойя официально тӱвыра рӱдывер семын пашам ышташ тӱҥалын. Торжественный мероприятий Мульги волостьышто шуматкечын лийын. Эстонийын Президентше Керсти Кальюлайд каласен: тений кеҥежым эртышаш финн-угор конгресслан ямдылалтме годым, иза-шольо да родо калык- влакын интересыштым гына огыл аралыман, диалектыштымат саклен кодыман. Нунылан кугурак тӱткышым ойырыман. Тыгай мотор шомак- влак уло годым, йот эл шомакым- влакым кучылтмаш ӧрыктара, манын тудо. Ынде идалык мучко Абья-Палуойяште тӱрлӧ мероприятий- влак эрташ тӱҥалыт, чылаже 27-ыт лийшаш.                                 Кодшо ийын финн-угор тӱнян рӱдыверже лӱмым Пошкырт велысе Мишкан марий села нумале. Туддеч ончыч Морко велысе Унчо, тыгак Карелийысе, Венгрийысе, Удмуртийысе ял- влак рӱдер лийыч.

Прошлые выпуски