Россий Федерацийын Генеральный прокуроржын алмаштышыже Николай Шишкин республикысе калыклан приёмым эртарен

                   Увертарыме ыле: Йошкар-Олаш Россий Федерацийын Генеральный прокуроржын алмаштышыже Николай Шишкин толын. Тудо  республикысе калыклан приёмым эртарен. Марий Элын прокуроржо Сергей Беляков да Мордовийын прокуроржын сомылжым шуктышо Леонид Перескоков дене пырля тудо Марий Элыште да Мордовийыште илыше- влаклан приёмым эртарен. Российысе Генеральный прокуратурын Юл кундем округысо  виктемжын пресс-службыжын увертарымыж почеш видеоконференц кыл йӧн дене эртарыме вашлиймашыште тӱҥ шотышто илыме вер шотышто правам пудыртымо йодышым нӧлталыныт. Мутлан, Йошкар-Олаште илыше- влак  шуко пачеран пӧртын тӱшка кӱлешлыкшылан да пайдаланыме тӱшка верым обслуживатлымылан кугемдыме ак нерген ойленыт. Медведево район гыч верысе виктарыше компаний- влакын пӧртын тӱшка погыжым кучымо дене кыдалтше ятыр нарушенийыштлан вуйым шийыныт. Икмыняр йодышыжо граждан- влакын паша да социал праваштым шуктымо дене кылдалтын. Кок амалкалче аренде акым тӱлымӧ деч утарыме кугыжаныш полышым пуаш тореш лийме нерген увертареныт. Вашлиймашке чылаже 16 еҥ толын. Приём деч вара Николай Шишкин юватылде тергымашым эртараш да пудыртымо правам пӧртылташ мера- влакым ышташ кӱштен.
             Йошкар-Олаште лиймыже жапыште тудо тыгак Марий Элым вуйлатыше Александр Евстифеев, МВД, ФСБ, Следствий виктемын вуйлатышышт дене вашлийын. Мутланыме теме республикылан кӱлешан- илыме вер, паша, социал правам аралыме да осал паша дене кучедалме йодыш дене кылдалтыныт. Тиддеч посна Николай Шишкин Республикысе прокуратуро коллегийын заседанийыштыже лийын да 2020-шо ийлан республикысе прокуратурын пашажым иктешлен.

Прошлые выпуски