Волжскышто олан мэрже должностьыш конкурсым увертырме

                  Волжскышто олан мэрже должностьыш конкурсым увертырме. Волжск оласе погынымашын депутатше- влак черетдыме сессийым эртареныт. Тушто конкурсым эртарыме нерген положенийым, комиссийын составшым да эртарыме кечым пеҥгыдемденыт. Заседанийым депутат Роберт Салахутдинов эртарен. Молан манаш гын, Погынымашым вуйлатышын сомылжым шуктышо Геннадий Николаев эмлыме верыште улеш. Конкурс нерген йодыш ик эн тӱҥ лийын. Решенийлан проектышт дене 2019-ше ийыште увертарыме конкурсым мучашлыман да уым увертарыман да радамжым пеҥгыдемдыман ыле. Молан манаш гын, тиде йодышым шукертсек виктарен колтен, олан мэржым палемдыман . Чылан тиде йодыш дене келшен огытыл гынат, шукырак йӱк дене решенийым лукмо. Тыге мэр лиеш манын ӱшан шочын. Мэрын должностьышкыжо конкурс 11-ше мартыште эртышаш. Тудо жап марте пост верч кучедалаш шонышо- влак йодмашым пуышаш улыт.

Прошлые выпуски