Республикыштына ВИЧ черлан яра тестирований Волжск ола гыч тӱҥалеш
Республикыштына ВИЧ черлан яра тестирований Волжск ола гыч тӱҥалеш. Озаҥысе «У курым» коммерцийдыме поро кумыл автоном организацийын «Сеҥашлан тест» проектше президент грант фондын полшымыж дене калыкын ВИЧ шотышто шинчымашыжым шараш, тиде черлан тестым эрташ кумылаҥдаш виктаралтын. Мероприятий Юл кундем округысо 9 регионышто эрта: Татарстан, Марий Эл, Башкортостан, Чуваший, Удмуртий, Ульяновск, Киров, Самара, Оренбург оластьлаште. Мероприятий кышкарыште медицина, социал пашаеҥ, айдемын праваже шотышто уполномоченныйын полышкалышыже, волонтёр- влак пурыман команде 540 гана верлашке лектын кошташ палемден. Тестирований мобильный комплексыште эрта. Марий Элыште проектын партнёржылан республикысе СПИД рӱдер шотлалтеш. Тудын пашаеҥже- влак ВИЧ-лан тестым яра да лӱмым йодде ыштат. Икымше акций вӱргечын 17-ше февральыште Волжск олаште «Лето» ужалкалыме рӱдерыште 10 гыч 16 шагат марте эрта.
