Школышто тунемше- влаклан смартфон дене пайдаланаш чарыме
У санитар правил почеш школышто тунемше- влаклан тунемме кӱлешлыклан смартфон дене пайдаланаш чарыме. Тидын нерген Роспотребнадзорын увертарымыжлан эҥертен, РИА Новости воза. Ведомствын санитар надзор виктемжым вуйлатыше Ирина Шевкун умылтарен: тиде правил планшет ден ноутбукым ок тӱкӧ. Тиддеч ончыч йоча- влакын тазалыкыштым аралыше да гигена НИИ-н директоржо Владислав Кучма шижтарен ыле: 80 процент йоча тунеммаште смартфон дене пайдалана. Тиде уверым кычалаш да тунемаш келшен толдымо йӧн: тудын экранже путырак изи. Специалистын мутшо почеш экран 12 дюйм деч изирак лийшаш огыл, а планшет ден ноутбук тиде йодмашлан келшен толыт. Тыгак шрифтын кугытшо да дисплей марте кужыт санитар нормо дене келшен огыт тол. Роспотребнадзор рашемден: йоча- влак школыш смартфоным конден кертыт, но тудым ача-ава дене кылым кучаш гына пайдаланышаш улыт. А тунемашлан компьютер, планшет, моноблок да интерактивный доска кучылталтшаш.
