Калыкле проект почеш налме оборудований ялысе школлан самырык утарыше- влакым ямдылаш полша
Калыкле проект почеш налме оборудований ялысе школлан самырык утарыше- влакым ямдылаш полша. Волжский районысо Шарача школлан «Кажне йочан сеҥымашыже» регионысо проект кышкарыште «Лӱдыкшыдымылык школ» да «Самырык утарыше-влак» теме дене ешартыш шинчымашым пуаш оборудованийым налме. Тидлан 105 тӱжем теҥге утла оксам кучылтмо. Тиде оборудований республике кӱкшытан таҥасымашыште моштымашым ончыкташ полшен. Йоча- влак тӱрлӧ семын эмганыме годым икымше полышым, шӱм да шодым ранимироватлыме, кид когаргыме, вачӱмбал сусыргымо, тупрӱдӧ пудыргымо да моло эҥгек годымат полышым пуэн моштымыштым ончыктеныт. Тидлан угыч налме манекен-тренажёрым, первязкылан ӱзгарым, шиным да молымат кучылтмо. Занятийлаште волонтёр да активист- влак икымше полышым пуаш гына огыл, аралыше кылдыш- влакым пидаш, вучыдымо ситуаций годым полшышо моло дисциплинымат тунемыт, вара класс шагатлаште школьник- влакым туныктат.
