«Курымашлык полк» акций онлайн йӧн дене эрта
Марий Элыште илыше- влакым «Курымашлык полк-онлайн» акцийыш ушнаш ӱжыт. Кугу Ачамланде сарыште сеҥымылан 75 ий темме идалыкыште «Курымашлык полк» акций, эпидемиологий нелылыклан кӧра, онлайн режим дене эрта. Тудо кажне ешыште, кажне пӧртыштӧ сарыште лийше- влак нерген шарнымашым арален кодымашке виктаралтын. Акцийыш ушнашлан лишыл еҥ- ветеран нерген уверым да фото сӱретым гына ямдылаш кӱлеш. Кызыт нуным чумырышо база ямдылалтеш. Тушечын вара сарын участникше да родо тукымжын фотосӱретышт гыч видеоряд ямдылалтеш. Миллион дене еҥ- влак 9-ше майыште медиаэкранлаште, «Одноклассникыште», «ВКонтакте» да «Курымашлык полкын» сайтыштыже таҥ ошкылмашым ончен кертыт.
