Тений пушеҥге озымым шындаш ондакырак лектыныт
Республикыштына чодырам шындыме паша тений ондакырак тӱҥалын. Эр толшо шошо тиде пашашке вашталтышым пуртен. Тыге апрель кыдаллан 380 гектар кумдыкышто пашам шуктымо. «Экологий» калыкле проектын «Чодырам аралымаш» федерал проектше дене келшышын, майыште Марий Турек районышто чодырам шындаш палемдыме. Тушто 58 утла гектареш вераҥдаш палемдыме. Республике мучко шындышаш тӱшка кумдыкшо тӱжемат 370 гектарыш погына, - увертара пӱртӱс поянлык министерстве.
