Кугыжаныш Пого объект- влакым чоҥымо шотышто единый заказчикын службыжо ышталтеш

Марий Элыште Кугыжаныш Пого объект- влакым чоҥымо шотышто единый заказчикын службыжо ышталтеш. Тиде сомылым «Капитально чоҥымаш виктем» кугыжаныш казённый тӧнеж шукташ тӱҥалеш. Тиде йодышым рашемдаш да виктарен колташ Республикым вуйлатыше Александр Евстифеев кӱштен. Кызыт заказчик семын республикысе исполнительный кучем орган- влак шотлалтыт, а чоҥымо пашам Минстрой виктара. Тыге ведомство кокласе кок пачаш кыл ышталтеш. Чоҥашлан чыла ямдылалтме пашам ик заказчик ышта гын, роскот шагалемеш да подрядчикым ойырен налмаште, тудын пашажым тергымаште да оксам кучылтмыжо шотышто контроль лиеш. Капитально чоҥымаш виктем Сеҥымаш бульварыште «Маригражданпроект» акционер ушемын пӧртыштыжӧ верланаш тӱналеш. Республикым вуйлатыше пашаеҥ- влаклан ойырымо пӧлем- влакым ончен лектын, штатный расписаний дене палыме лийын да палемден: кугыжаныш заказым шуктышо ик структурым ыштымаш кажне йыжыҥыште пашан качествыжым саемдышаш.  Тенийлан капитально чоҥышаш 38 объектым палемдыме. Нунын шотышто проектлан техзаданийым ыштыман, проектлан да чоҥашлан контрактым ышташ конкурсым эртарыман, эскерен шогыман да республикын кугыжаныш погышкыжо кусарыман. Чыла тиде паша ик верыште шукталташ тӱҥалеш. Тиде виктем вашкарак пашам тӱҥалеш гын, чоҥымо комплекслан вияҥаш сай йӧн ышталтеш,- каласен республикым вуйлатыше.

Прошлые выпуски