Эше 38 еҥын Ковид-19 черым пеҥгыдемдыме

Тачысе кечылан республикыштына эше 38 еҥын Ковид-19 черым пеҥгыдемдыме. Тыге туешкыше- влакын чотышт 500 еҥыш шуын. Россий мучко ончалаш гын, черланыше- влакын чотышт 93 тӱжемат 558 еҥ лийын. Ик суткаште гына элна мучко 6 тӱжемат 411 еҥ черланен. 8 тӱжемат  456 еҥ эмлалт лектын, 867 еҥ ӱмыр лугыч лийын.
Эртыше суткаште республикысе инфекционный стационарла гыч 38 еҥ эмлалт лектын. Тушечын 22 еҥжын коронавирусым пеҥгыдемдыме ыле. Йошкар-Оласе эмлыме вер гыч 26, республикысе йоча эмлыме вер гыч- икте, Козьмодемьянскыште- 2, Звениговышто- 3, Волжскышто- 2, Медведевыште- ныл еҥ лектыныт. Пандемий тӱналме годсек 188 еҥ черым сеҥен лектын. Тушечын 89 пациентын коронавирус лийын, кок еҥ колен. Тачысе кечылан республикысе стационарлаште пеҥгыдемдыме черан 95 еҥ эмлалтеш.

Прошлые выпуски