Голливудын актёржо марий Онар лиеш
Увертаренна ыле: землякна режиссёр да актёр Денис Шаблий марий патырлан пӧлеклалтше кӱчык фильмым войзаш тӱҥалеш. Кином ыштыше- влак уло еш дене ончаш йӧрышӧ историй- влакым калык коклаш шарен колташ шонат. Тиде киношто марий патыр Онарым голливудын да российын актёржо, кучедалмаш дене тӱнян чемпионжо, марий тукым гыч лекше Олег Тактаров модаш келшен.
