Марий Эл гыч тунемше Российын чапшым Стокгольмышто аралаш тӱҥалеш
Тений Российысе калыкле юниор вӱд конкурсышто сеҥыше- влаклан наградым дстанционно кучыктеныт. Российысе 76 регион гыч школышто тунемше- влак 80 проектым ончыктеныт. Жюри вӱд поянлыкым пайдалын кучылтмо, уэмдыме да аралыме сомыл дене кылдалтше эн сай шымлыме паша- влакым ойырен налын. Тӱнямбал номинацийыште Марий Эл гыч Политехнический лицей-интернат да Йоча эколого-биологий рӱдер гыч Дарья Деревягина ончыко лектын. Тудо Сердыж эҥерын примерже дене вӱдым калыкын амыртымыжлан кора вӱд системын ферментшын вашталтмыжым шымлен. Шымлыме лектышыжым эҥер- влакын экологийыштым шымлыме годым кучылташ лиеш. Ынде Дарья Деревягина юниор вӱд конкурсын Тӱнямбал йыжыҥыштыже Российын чапшым аралаш тӱҥалеш. Конкурс Стокгольмышто Вӱдын арняже кышкарыште тений августышто лийшаш.
