Пандемий жапыште амалкалче- влак аренда оксам варарак тӱлен кертыт
Пандемий жапыште амалкалче- влак аренда оксам варарак тӱлен кертыт. Россий мучко изи да кыдалаш бизнеслан полышым пуаш мера- влак ышталтыт. Нунын кокла гыч иктыже аренде оксам тӱлымашым лушкемдымаш. Амалкалче ден верым арендыш пуышо- влак оксам варарак тӱлымӧ шотышто ешартыш ойпидышым ыштышаш улыт. Тиде кугыжаныш, муниципал да частный погымат авалта. Российысе экономически вияҥмаш министрын алмаштышыже Оксана Тарасенкон мутшо почеш, утларак ямде улмо режим жапыште отсрочко дене пайдаланаш кок йӧн уло. Арендатор- влак 2021-ше ий гыч кок ий жапыште икгай кугыт дене пӱтынь акым пӧртылташ ямде улыт гын, арендылан огыт тӱлӧ гынат лиеш. Тыгак арендатор- влак икымше октябрь марте аренде оксан 50 процентшым тӱлат, а 2021-ше ий гыч тыгак кок ий жапыште икгай кугыт дене кодшо акшым пӧртылтат. Варарак тӱлымылан нимогай санкций ок ышталт.
