Кеҥеж каныш жапыште тӱрлӧ каныш дене 65 тӱжем йочам авалташ палемдыме
Кеҥеж каныш жапыште тӱрлӧ каныш да занятость дене 65 тӱжем йочам авалташ палемдыме. Россий Федераций Правительстве председательын алмаштышыже Дмитрий Чернышенко кеҥежымсе тазалыкым пеҥгыдемдыме кампаний эртыме йодыш дене совещанийым эртарен. Погынымаш видеоконференцкыл йӧн дене эртен. Марий Элыште йоча каныме да тазалыкым пеҥгыдемдыме организаций- влакын реестрышкышт 205 организаций пурен. Таче кечылан республикыште ола деч ӧрдыжсӧ 15 стационар да палаткан кок лагерьыште кок тӱжемат 900 йоча кана. Ола деч ӧрдыжсӧ эше вич лагерь график почеш пашаштым тӱҥалыт. Школ пеленысе лагерь- влак пашаштым мучашленыт. Тушто 12 тӱжем йоча каналтен. Тиддеч посна июньышто 26 тӱжем утла йоча ден подросткылан кудывечыласе площадке, школ лесничестве, поход, экспедиций, акций- влакым эртарыме. Посна тӱткыш неле илыш саманыш логалше йоча- влаклан да СВО-н участникше- влакын икшывыштлан ойыралтеш. Тиде категорийыш пурышо ныл тӱжемат 700 ӱдыр-рвезылан каныме да тазалыкым пеҥгыдемдыме организацийлаш путёвкым пуымо. Кеҥеж жапыште Запорожский областьысе Куйбышев район гыч 45 йоча «Журавушка» социал да реабилитаций рӱдерыште да «Авангард» военно-патриотизм рӱдерыште каналтат. Тений каныме тӱрлӧ йӧн дене 65 тӱжем йочам, подросткым, тунемше самырык- влакым авалташ палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
