Марий Элыште кум ялын лӱмжӧ йомеш
Марий Элыште кум ялын лӱмжӧ йомеш. Кугыжаныш Погынын социал вияҥмаш шотышто комитетын еҥже- влак кум изи ялым пошкудо ялла ден ушымо йодышым онченыт. Тиде- Волжский районысо Ялагин ден Чолемсола ял- влак Купсола деке ушалтыт. Кумшыжо Курык марий районысо Тодымваж ял. Тудо Шайыл Пӧртныр ял радамыш пурталтеш. Кум вережат верысе калык дене тӱшка погынымашыште каҥашыме. Тӱҥалтышым социал комитет сайлан шотлен, а пунчал проект- влакым моло комитетыш каҥашаш колтымо. Сайлан шотлат гын, ял- влакым ушымо йодышым Кугыжаныш Погынын 36-шо сессийыштыже пеҥгыдемдат.
Фото: Марий Эл Кугыжаныш Погын.
