Силикатныйыште у амбулаторийым чоҥат

Силикатныйыште у амбулаторийым чоҥат
             Силикатныйыште у амбулаторийым чоҥат. Амбулаторийын тошто зданийжым 1954-ше ийыште чоҥымо. Тудо чынжымак тоштемын. Сандене жапын йодмыжо почеш у медициа тӧнежым чоҥаш кӱлеш. Республикысе тазалыкаралтыш министерствын ончыктымыжо почеш, проект да смете документацийым ямдылыме, кугыжаныш экспертизын сай заключенийжым налме. Тӧнеж кок тӱжем наре еҥым онча, пашам шукташлан 34 миллион утла теҥгем ойырымо. Тений республикыштына Силикатный врач амбулаторий деч посна эше Кокшайскыште амбулаторийым, Марий Турек районысо Тат-Китняште ФАП-ым да Юрино эмлыме верын поликлиник пӧлкажым чоҥаш палемдыме. Модернизаций программе кышкарыште чоҥашлан, капитально олмыкташлан да оборудованийым налаш тений 374 миллионат 700 тӱжем теҥгем колтымо лиеш.
            Фото: Марий Элым вуйлатышын  администрацийжын увер дене пашам ыштыше пӧлкаже   
 (архив).

Прошлые выпуски