Йошкар-Олаште понтон кӱвар аралалт кодеш
Йошкар-Олаште понтон кӱвар аралалт кодеш. Шукерте огыл увертаренна ыле: Ширяйково деч Пӱнчерыш лекме понтон кӱварым тений да варажымат вераҥдаш огыт тӱҥал. Но таче Йошкар-Ола мэрын икымше алмаштышыже Лев Покровский увертарен: понтон кӱвар содыки вераҥдалтеш. Кӱварым пытарыме нерген увер олсе шуко калыкым тургажландарен да нуно арален кодаш манын, подписьым погаш тӱҥалыныт. Нунын шонымыштым кучем орган- влак колыныт, умыленыт да кӱварым верыштыжак кодаш лийыныт. Лишыл жапыште сер кошкымеке, кӱварым вреышкыже шындат. Вигак шартышыжым олмыктат, кидкучемже- влакым олмыктат. Калык ончычсо семынак тиде кӱвар дене коштын кертеш,- увертарен Лев Покровский.
Фото: Лев Покровский.
Фото: Лев Покровский.
