ВДНХ-ште Марий Эл гыч ик мужырын ешым чумырымыжо Российысе рекорд книгаш пурен

ВДНХ-ште Марий Эл гыч ик мужырын ешым чумырымыжо Российысе рекорд книгаш пурен
               ВДНХ-ште Марий Эл гыч ик мужырын ешым чумырымыжо Российысе рекорд книгаш пурен. Мемнан мужыр- Наталья ден Никита Российысе икымше сӱан фестивальыште ешым чумыреныт. Фестиваль 12-шо гыч 19-ше май марте «Россия» тӱнямбал ончер-форумышто эрта. 12-шо майыште элысе тӱрлӧ кундем гыч 150 мужыр еш дене илаш товатленыт. Церемоний ВДНХ мучко уремысе тӱҥ сцена марте самырык- влакын таҥошкылмашышт дене эртен. Тӱҥ сценыште эн шуко ешым регистрироватлыме лийын. Тудым официально Российысе рекорд книгаш возымо. Чыла мужырлан Еш, йӧратымаш, ӱшанле улмо Кечын рӱдӧ олаже Муром гыч кондымо «Российын шӱмжӧ» Россий кӱкшытан еш майатулын тулжым кучыктеныт. Тулым Ешлан пӧлеклалтше Талукым почмо годым чӱктеныт. Арня мучко ончер-форумышто еш- влакым регистрироватлат гына огыл, театрализованный шествий, концерт, мастар-класс да представлений- влак эртат. Фестивальын кажне кечыже сӱан йӱлан йыжыҥжылан пӧлеклалтеш: тулартымашлан, ӱдыр йӱмашлан, шергашым кучыктымашлан, ӱдыр каслан, качымарий каслан, олным пуымылан, каныме каслан- увертара республикысе кӧргӧ политике министерстве.
              Фото: Кӧргӧ политике министерстве.

Прошлые выпуски