Медведево районысо ер воктене модулян 24 пӧртым ыштат
Медведево районысо ер воктене модулян 24 пӧртым ыштат. Марий Элыште модулян унагудылам ыштыме шотышто проект- влак чолган вияҥыт. Нуно «Туризм ден унам вашлийме индустрий» калыкле проект кышкарыште поддержкым налыныт. У унагудо- влак кушто вераҥмышт нерген спорт-туризм министр Лиди Батюкова шке лаштыкыштыже каласкален. Тыгай ик мероприятийлан Шап ер воктене вераҥше «Вӱдленд» спорт да тазалыкым пеҥгыдемдыме рӱдер шотлалтеш. Кызыт тушто модулян 28 номер чоҥалтеш. 24-ше телымат- кеҥежымат кучылталт кертеш, кажныже 50 квадрат метр кумдыкан, ик пӧртшӧ ныл еҥым вераҥден кертеш. Тыгак «Глэмпинг Геокупол» шотан ныл модульный пӧрт лиеш. Тыге модулян унагудо- влак республикыште верысе туризмым вияҥдаш, пӱртӱсыштӧ каналташ у йӧн- влакым пуат.
Фото vk.com
Фото vk.com
