Киров кундемын ял озанлык шанче пашаеҥже- влак Марий Элын опытшо дене палыме лийыныт

Киров кундемын ял озанлык шанче пашаеҥже- влак Марий Элын опытшо дене палыме лийыныт
Кодшо кечылаште Киров областьын делегацийже Марий Элыш опыт дене палыме лияш толын. Уна- влак Республикысе ял озанлык министерстве Юлтех дене пырля Юл кундемысе компетенцийын регионысо рӱдерышкыже миеныт. Делегаций радамыште Рудницкий лӱмеш Йӱдвел-Эрвелын аграрный федерал шанче рӱдержын, Вятке кугыжаныш ял озанлык академийын, Вятке кугыжаныш университетын, Пӱтынь Российысе овощедство НИИ-н, «Клевера Нечерноземья» ял озанлык консультирований рӱдерын, Киров областьысе ял озанлык министерствын шанчыеҥышт лийыныт. Нуно Юлтехын чодыра да пӱртӱс дене пайдаланыме Институтшын кушкылым клон йӧн дене шукемдыме лабораторийжын пашаже дене палыме лийыныт да Ботанический сад-институтыш миеныт. Вара йыргешке ӱстел йыр мутланымашым эртареныт. Вашлиймаш ял озанлык министерствыште ял озанлык йодыш да кок кундем коклаште вашкыл шотышто мутланымаш дене мучашлалтын.

Прошлые выпуски